Shveytsariyaning Tenity innovatsion platformasi o'zbek fintex va AI startaplarini qo'llab-quvvatlashni ko'rib chiqmoqda

IT Park Uzbekistan rahbariyati ICT Week Uzbekistan 2026 doirasida Tenity vakillari bilan uchrashib, fintex va AI startaplarini qo'llab-quvvatlash bo'yicha hamkorlik imkoniyatlarini ko'rib chiqdi. Muhokamalar o'zbek startaplarini Tenity investitsiya tarmog'iga bog'lash, xalqaro hamkorlik va tajriba almashinuvini yo'lga qo'yish, korporativ innovatsiyalar va xalqaro miqyosda o'sish harakatlarini qo'llab-quvvatlashga qaratildi. Tenity — fintex, sun'iy intellekt va raqamli aktivlarga ixtisoslashgan Shveytsariya innovatsion platformasi bo'lib, oltita yirik shaharda markazlarga ega. Uning dasturlarini 1600 dan ortiq startap bosib o'tgan, u 65 dan ortiq institutsional hamkor bilan ishlaydi, investitsiya portfeli esa 200 dan ortiq kompaniyani qamrab oladi. Hamkorlik xalqaro miqyosda kengayishni istagan O'zbekistondagi texnologiya kompaniyalari uchun mavjud yo'llarni ko'paytirishga qaratilgan.